हेटौंडा, ५ बैशाख ।
गृहमन्त्री रामवहादुर थापा राष्ट्रियसभा सदस्यबाट पदमुक्त हुनु भएको छ । सांसदबाट हटे लगत्तै थापा गृहमन्त्रीबाट पनि स्वतः पदमुक्त हुनुभएको छ ।
नेकपा माओवादी केन्द्रले उहाँलाई पार्टीबाट निष्कासन गरेको पत्र संघीय संसद सचिवालयमा पठाएसँगै उहाँको सांसद पद गुमेको हो।
थापाको सांसदसँगै मन्त्री पद पनि गुमेको छ। राष्ट्रिय सभा अध्यक्ष गणेशप्रसाद तिमिल्सिनाले पत्रअनुसार सांसद पद रिक्त भएको निर्णय गर्नुभएको हो ।
तिमिल्सिनाको निर्णयपछि संसद सचिवालयले आइतबार थापाको पद रिक्त भएको सूचना प्रकाशित गरेको छ।
२०७४ मा बागमती प्रदेशबाट राष्ट्रिय सभा सदस्य बनेका थापाको कार्यकाल ६ वर्ष थियो।
एमालेतिर लागेको भनेर पार्टीले कारबाही गरेपछि उहाँको राष्ट्रिय सभा सदस्य तीन वर्षमै सकिएको हो।
थापाको पद गुमेपछि अब उहाँले पुनः मन्त्री बन्न संविधानअनुसार शपथ लिनुपर्छ। सांसद पद गुमे पनि पुनः शपथ लिएर उहाँ ६ महिनाका लागि मन्त्री बन्न सक्नुहुनेछ ।
